A Stinktier hot sein eiganan Gstonk
nit mehr vatrogn - Gott sein Donk!
Hiaz sieght ma, wia`s zan Greisla laaft
und sich a Kölnischwossa kaaft.
Es schmirbt sich hints ein und vurn
und is vor Freid gonz schwindlig wurn!
Daun laaft es haam, klopft lustig on.
Sei Frau macht auf, dariacht ihrn Monn,
schlaggt ihm vur da Nosn die Haustür zua
und schreit: "Låß mi lei schean in Ruah!
Lüft`di zerscht aus, mi graust vur deiner!
Mit sou an Gstonk kummst ma nit einar!"
Sehgt`s , so was konn ma oft dalebm -
dås Stinktier hot a Beispiel gebm:
Da scheanste Duft mocht monchn kronk,
wånn der sich gwöhnt hat af an Gstonk.