I hån de Kåmmer schon entdeckt,
wo sie die guatn Keks vasteckt!
Då siehg i sie, die Weihnachtsmaus,
sie schaut gleich wia mei Schwester aus!
Dåss i dås Luada hån entdeckt,
i hån mi schnell ums Eck vasteckt!

Und låss a weani Zeit vastreichn,
hiatz tuat die Maus mein Papa gleichn!
N' nächstn Tåg steah i am Postn,
wüll endlich båld a Keksli kostn!
I tua mi za da Kåmmer schleichn,
heut tuat die Maus mein Bruada gleichn!

A Zeit drauf schlåg sie wieda zua,
hiatz håt si n'Opa sei Figur!
Koan oanzign Keks tua i dawischn,
i hån nur gånz a schlechtes Gwissn!
N' Halign Åbnd geht die Oma
mit an Tella za da Kåmmer!

A kleba's Häufle bring sie zåm,
sie schaut uns ålle recht hårb ån!
De gånze Gschicht geht traurig aus,
ålls wegs der blödn Weihnachtsmaus!

åba nächstes Jåhr, i geah's da Oma schnell dazähln,
werd' selba i a Fåll aufstelln.