Suche mit Google:
Suche auf www.4mi.at:
Gedichte von Astrid Lippauer
Mei Rezept
(Astrid Lippauer)
So schnöll geht so a Johr dahin,
vül Glück und a vül Load steckt drin,
ob Kronkheit, Wetta, Schicksolsschlog,
oa Übarroschung bringt jeda Tog,
bleibst du dabei noch guat gelaunt,
so moncha Mensch die donn bestaunt,
wia konnst du noch guat aufglegt sein,
so herst sie sumpern, oft a schrein,
i wir euch mei Rezept varrotn,
do tuan die schlechtestn Tog guat grotn.
Begrüaß schean freundlich jedn neugn Tog,
er is a Geschenk, is gor koa Frog,
scheint gor die Sunn, konnst die schon gfreun,
brauchst a ban Regn net traurig sein,
is olls für wos guat, du muaßt es lei segn,
dos Guate unds Schlechte, die Sunn und da Regn.
Die Zfriednheit mochts, is gor koa Frog,
doß du die gfreust on jedn Tog,
nimms dir zu Herzn bei olle Sochn,
tua stattn Ärgan drüba lochn,
mit vül Geduld und mit Humor,
kummt jeda Tog dir schöna vor.
Wieso i schreiben tua